Bakının “İnter” klubunun “MDB və Baltikyanı ölkələrin çempionlarının Birlik kuboku” turnirindəki rəqibi “Ventspils” yarışa Litvada hazırlaşacaq. Apasport.az saytının məlumatına görə, ötən ay ardıcıl üçüncü dəfə Latviya çempionu olan ventspilslilər təlim-məşq toplanışı keçirmək üçün qonşu ölkəyə yollanacaq. Hazırda istirahətdə olan “Ventspils”in futbolçuları mövsümə hazırlıq məqsədilə dekabrın 19-da bir araya gələcək. “Sarı-ğöylər” gələn il yanvarın 7-də Litvanın Mariampol şəhərinə yollanacaq. Yanvarın 17-dən 25-dək Rusiyada keçirilən “Birlik kuboku”nun ardından növbəti toplanış üçün Türkiyəyə yollanacaq.

Qeyd edək ki, “İnter” həm turnirdən əvvəl, həm də sonra Türkiyədə toplanış keçirəcək.