Azərbaycanlı hakim-inspektor Murad Məmmədov yeni təyinat alıb. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, beynəlxalq dərəcəli hakim-inspektor futzal üzrə Avropa çempionatının əsas seçmə mərhələsinin oyunlarında hakimlərin işinə qiymət verəcək. O, martın 19-dan 22-dək Litvada keçiriləcək 4-cü qrup oyunlarına təyinat alıb ki, burada Litva, İtaliya, Belarus və Gürcüstan yığmaları mübarizə aparacaq.