Türkiyənin voleybol üzrə qadınlardan ibarət milli komandasının baş məşqçisi Mehmət Bedestinlioğlu gözlənilmədən istefaya göndərilib. Apasport.az saytının məlumatına görə, bu barədə qərar Türkiyə Voleybol Federasiyasının İdarə Heyətinin iclasında qəbul olunub.

Avro-2011-nin final mərhələsində Azərbaycan yığması ilə eyni qrupda yer alan “ay-ulduzlular”ın yeni çalışdırıcısının adı isə yaxın günlərdə müəyyənləşəcək.

Qeyd edək ki, Bedestinlioğlu baş məşqçi postuna avqustun 3-də gətirilmişdi və komanda onun rəhbərliyi altında yalnız dünya çempionatında qüvvəsini sınayıb.