Norveçin Tromse şəhərində keçirilən Ümumdünya Şahmat Olimpiadasında növbəti turun oyunları keçirilib. Apasport.az saytının məlumatına görə, yarışın 6-cı turunda Azərbaycan milliləri Serbiya və ABŞ-la münasibətlərinə aydınlıq gətiriblər.
Bir gün öncə Fransaya qalib gələrək, turnir cədvəlində liderliyə yüksələn kişilərdən ibarət millimiz uğurlu seriyanı davam etdirmək arzusunda idi. Kişilərimiz buna qismən nail olublar. Serbiya ilə görüş 2:2 hesabı ilə başa çatıb.
Qadınlardan ibarət millimizi isə yenidən uduzub. Bu dəfə onlar 2,5:1,5 hesabı ilə ABŞ millisinə məğlub olublar.
6 avqust
V tur
Kişilər
AZƏRBAYCAN - SERBİYA - 2:2
Şəhriyar Məmmədyarov (2743) - İvan İvanişeviç (2613) - 1:0
Teymur Rəcəbov (2724) - Miloş Perunoviç (2602) - 0:1
Rauf Məmmədov (2659) - Robert Markus (2602) - 0,5:0,5
Qədir Hüseynov (2613) - Nikola Sedlak (2554) - 0,5:0,5
Qadınlar
AZƏRBAYCAN – ABŞ - 1,5:2,5
Gülnar Məmmədova (2334) - İrina Kruş (2474) - 1:0
Xəyalə Abdulla (2286) - Anna Zatonskix (2466) - 0,5:0,5
Türkan Məmmədyarova (2274) - Tatev Abrahamyan (2366) - 0:1
Səbinə İbrahimova (2263) - Yekaterina Nemçova (2315) - 0:1