Bu gün Topaz Premyer Liqasında V tura start verilib. Apasport.az saytının məlumatına görə, milli komandaların oyunları ilə əlaqədar yaranan fasilədən sonra azarkeşlər ilk qarşılaşmaya Naxçıvanda şahidlik edib.

Belə ki, ötən tur səfərdə “Xəzər Lənkəran”a uduzub (0:1), liderliyi əldən verən “İnter” ardıcıl 2 məğlubiyyət alan “Araz-Naxçıvan”ın qonağı olub. Yenə zirvəni ələ keçirmək üçün qalib gəlməli olan “İnter” bu vəzifənin öhdəsindən gəlib.

Bakılılar bütün qolların 2-ci hissədə vurulduğu matçda 3 xalı 3 qolla qazanıb – 3:1.

Qeyd edək ki, V turun digər oyunları sentyabrın 13 və 14-də keçiriləcək.

Topaz Premyer Liqası

V tur

12 sentyabr (cümə)

“Araz Naxçıvan” – “İnter” - 1:3

QOLLAR: Ruslan Zubkov, 80 - Baçana Sxadadze, 50, Coşqun Diniyev, 60, Asif Məmmədov, 83

Hakimlər: Elvin Əsgərov, Yaşar Abbasov, Knyaz Əmiraslanov, Teymur Fərhadov

“Araz-Naxçıvan”: 85. Kamal Bayramov (k), 4. Emin Cəfərquliyev, 7. Ramal Hüseynov, 8. Elmin Çobanov, 10. Eşqin Quliyev, 13. Aqil Nəbiyev, 17. Bəxtiyar Soltanov, 18. Elgiz Kərəmli, 20. Ruslan Zubkov, 21. David Canelidze, 25. Aleksandr Krutskeviç
Ehtiyat oyunçular: 1. Elçin Sadıqov, 2. Tural Hümbətov, 3. Əlimirzə Daşzərini, 9. Qərib İbrahimov, 15. Ruslan Nəsirli, 23. Elnur Abdulov, 24. Azər Məmmədov
Baş məşqçi: Əsgər Abdullayev

“İnter”: 25. Səlahət Ağayev (k), 3. Laşa Salukvadze, 5. Aleksandr Amisulaşvili, 8. Mikel Alvaro, 12. Junior Nildo, 17. Məhəmməd Mirzəbəyov, 21. Arif Daşdəmirov, 28. Baçana Sxadadze, 80. Nizami Hacıyev, 88. Derlis Meza Kolli, 91. Coşqun Diniyev

Ehtiyat oyunçular: 1. Georgi Lomaya, 6. Slavço Georgiyevski, 10. Elvin Məmmədov, 11. Asif Məmmədov, 15. Yoan Bokonyano, 24. Fuad Bayramov, 33. Matiya Spiçiç
Baş məşqçi: Kaxaber Sxadadze

Naxçıvan MR stadionu

Bombardir: Mikel Alvaro (İnter) - 4