İngiltərə Premyer Liqasında XII turun oyunları başa çatıb.  Apasport.az xəbər verir ki, turun ilk matç günündə 7 qarşılaşma baş tutub.

Lider “Çelsi” evində önündə “Vest Bormviç”lə üz-üzə gəlib. “Zadəganlar” bu dəfə də 3 xalı öz aktivlərinə yazdırmağı bacarıb – 2:0.

İddialılardan olan “Mançester Siti” də doğma arenada “Suonsi” ilə qarşılaşıb. Matçda “şəhərlilər” 2:1 hesabı ilə qalib gəlib.

Günün və turun mərkəzi oyunu isə “Arsenal” - “Mançester Yunayted” görüşü olub. Maraqlı keçən qarşılaşmada qonaqlar qələbə qazanıb – 1:2.

“Kristal Pelas” “Liverpul”la üz-üzə gəlib. Matçda meydan sabibləri 3:1 hesabı ilə qalib gəlib.

Tura “Aston Villa” – “Sautqempton” matçı ilə yekun vurulub. Fasiləyə öndə yollanan meydan sahibləri üstünlüyü qoruya bilməyib. 81-ci dəqiqədə Klinin vurduğu qol  “Sautqempton”u məğlubiyyətdən xilas edib – 1:1.

Beləliklə, səfərdə heç-heçə edən “Sautqempton”xalını 26-ya çıxarıb və lider “Çelsi”dən bir qədər uzaqlaşıb. “Zadəganlar”ın aktivində 32 xal var.  

İngiltərə Premyer Liqası

XI tur

22 noyabr

“Çelsi” – “Vest Bromviç” - 2:0

Qollar: Kosta, 11, Azard, 25

“Everton” – “Vest Hem” - 2:1

Qollar: Lukaku, 26, Osman, 73 – Zarate, 56

“Liçester” – “Sanderlend” - 0:0

“Mançester Siti” – “Suonsi” - 2:1

Qollar: Yovetiç, 19, Ture, 62 – Boni, 9

“Nyukasl” – KPR - 1:0

Qol: Sissoko, 78

“Stok Siti” – “Bernli” - 1:2

Qollar: Uelters, 33 – İngs, 12; 13

“Arsenal” – “Mançester Yunayted” - 1:2

Qollar: Jiru, 90+5 - Qibbs, 56-avtoqol, Runi, 85

23 noyabr

“Kristal Pelas” - “Liverpul” - 3:1

Qollar: Qayle, 17, Ledley, 78, Jedinak, 81  - Lambert, 2

"Hall Siti” – “Tottenhem” - 1:2

Qollar: Livermor, 8 - Kane, 61, Eriksen, 90

25 noyabr

“Aston Villa” – “Sautqempton” - 1:1

Qollar: Aqbonlahor, 29 - Klin, 81