Türkiyə Superliqasında XIV turun oyunları başa çatıb. Apasport.az saytının məlumatına görə, turun ilk matçında “Ərciyəsspor" “Fənərbaxça” ilə üz-üzə gəlib.

Görüşün 86-cı dəqiqəsində Əmrə Belözoğlunun penaltidən vurduğu tək qol komandasına 3 xal qazandırıb.

Turun II günü “Qalatasaray” evdə “Mersin İdmanyurdu”nu qonaq edib. “Cim-Bom” rəqibini 3:2 hesabı ilə məğlub edərək, müvəqqəti də olsa, liderliyə yüksəlib.

“Beşiktaş” “Akhisar”ı qəbul edib. “Qara qartallar” rəqibinə qalib gəlməkdə çətinlik çəkməyib.

Beləliklə, “Akhisar” 3:1 hesabı ilə üstələyən “Beşiktaş” xalını 32-yə çıxardaraq, yenidən zirvəni “Qalatasaray”ın əlindən alıb.

Tura bu gün keçirilən “Rizəspor” - “Qaziantepspor” oyunu ilə yekun vurulub. Matçın taleyini 1 qol həll edib ki, buna da qonaqlar nail olub – 0:1.

Türkiyə Superliqası

XIV tur

19 dekabr

“Ərciyəsspor” – “Fənərbaxça” - 0:1

Qol: Əmrə Belözoğlu, 86-pen

20 dekabr

“Gənclərbirliyi” – “Konyaspor” - 5:0

Qollar: Stanku, 44, Koçer, 62, Petroviç, 67, İrfan Kahveci, 75, Artun Akçakın, 90

“Sivasspor” – “Başakşəhər” - 0:2

Qollar: Epureanu, 36. Perbet, 85

“Əskişəhərspor” – “Karabükspor” - 1:1

Qollar: Kausik, 62 - Kumbela, 69

“Qalatasaray” – “Mersin İdmanyurdu” – 3:2

Qollar: Varol, 19-avtoqol, Burak, 55-pen, Umut, 79 - Varol, 9, Mitroviç, 26-pen

21 dekabr

“Balıkesirspor” – “Kasımpaşa” - 5:3

Qollar: Ünal, 50, Çalık, 53, Yıldırım, 63, Öztürk, 78, Çəlik, 90+5 – Skarione, 8, Torun, 54, Donk, 80

“Bursaspor” – “Trabzonspor” - 3:3

Qollar: Fernandao, 23-pen, Tufan, 29, Volkan Şən, 53 – Özər, 15, Ərdoğan, 45, Akbas, 80

“Beşiktaş” – “Akhisar” - 3:1

Qollar: Cenk Tosun, 24, Sosa, 68, Gölhan Töre, 90+3 - Bilal Kısa, 75 

22 dekabr

“Rizəspor” – “Qaziantepspor” - 0:1

Qol: Durak, 30