Bu gün kişi voleybolçular arasında Azərbaycan Yüksək Liqasında II dövrəyə start verilib. Apasport.az saytının məlumatına görə, turun hər 3 görüşü eyni gündə təşkil olunub.

Günün ilk matçında liderlər – “Sərhədçi” və “Lokomotiv” üz-üzə gəlib. Oyun gərgin və maraqlı mübarizə şəraitində keçib. İlk 2 setdə uduzan “dəmiryolçular” təslim olmayaraq, vəziyyəti dəyişə biliblər. Belə ki, əvvəlcə fərqi azaldan, ardınca hesabı bərabərləşdirən "Lokomotiv" tay-brekdə də üstün olaraq, əzmkar qələbə qazanıb.  

Voleybol Mərkəzində baş tutan ikinci oyunda meydan U-18 və MOİK klublarının ixtiyarına verilib. Görüşdə “hərbçilər” favorit sayılsa da, sevinən tərəf milli olub.

Tura “Ekspress” – “Neftçi” oyunu ilə yekun vurulub. Qarşılaşmada ikincilərin qalib gələcəyi proqnozlaşdırıldı. Elə də olub. "Ağ-qaralar" rəqibə şans verməyərək, asan qələbə qazanıblar. 

Yüksək Liqa

VII tur

10 mart

“Ekspress” – “Neftçi” - 0:3 (14:25, 18:25, 18:25)

I dövrə: “Neftçi” – “Ekspress” - 3:0 (25:15, 25:14, 25:12)

U-18 – MOİK - 3:1 (25:18, 25:14, 18:25, 25:18)

I dövrə: MOİK – U-18 - 3:1 (25:22, 22:25, 36:34, 27:25)

“Sərhədçi” – “Lokomotiv” - 2:3 (25:16, 25:20, 20:25, 18:25, 12:15)

I dövrə: “Lokomotiv” – “Sərhədçi” - 3:1 (21:25, 25:17, 25:21, 25:20)