Kişi voleybolçulardan ibarət Azərbaycan millisi İsraildəki təlim-məşq toplanışını başa vurub. Apasport.az saytının məlumatına görə, Fərid Cəlalovun yetirmələri hazırlıqlarını Sloveniyada davam etdirəcəklər.

Komanda artıq Maribordadı. İslamiadaya hazırlaşan voleybolçularımız burda mayın 6-dək qalacaq. Onların təxminən 6 yoxlama matçı keçirəcəyi də planlaşdırılır.

Qeyd edək ki, İsraildə 3 sınaq görüşündə gücünü yoxlayan millimiz hamısında qələbə qazanmışdı.