“Dünyada koronavirus pandemiyası səbəbindən Olimpiya Oyunları gələn ilə qədər təxirə salınıb. Bəli, bizim üçün çox çətindir, amma insanların sağlamlığı əsasdır”. 

Apasport.az saytının məlumatına görə, bu fikirlər Azərbaycan yığmasının cüdoçusu Rüstəm Orucova məxsusdur.

Dörd il əvvəl Rio-de-Janeyro Olimpiadasının gümüş medalını qazanan idmançı Tokio-2020-nin koronavirus pandemiyası üzündən təxirə salınmasına münasibət bildirib. Orucov sosial şəbəkədəki paylaşımında indiki durumda insanların sağlamlığının daha vacib olduğunu önə çəkib: “Tezliklə hər şeyin yaxşı olacağına ümid edirəm. Düşüncələrimiz və dualarımız koronavirusdan zərər çəkmiş insanlarla olur. Tanrı hamınızı qorusun! Əlbəttə, 2021-ci ildə keçiriləcək Olimpiya Oyunları üçün daha güclü olacağam”.

Qeyd edək ki, bu il iyulun 24-dən avqustun 9-dək keçirilməli olan Tokio-2020 Yay Olimpiya Oyunları 2021-ci ilədək təxirə salınıb.
 

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib