Beynəlxalq Olimpiya Komitəsinin (BOK) Tokio-2020 Yay Olimpiya Oyunlarını təxirə salmaması narazılıqla qarşılanır.

Apasport.az saytının məlumatına görə, BOK üzvü olan kanadalı sabiq xokkeyçi Heyli Uikenhayzer qurumun bugünkü bəyanatına münasibət bildirib.

Qış Olimpiya Oyunlarının dördqat qalibi və 7 dəfə dünya çempionu olan 42 yaşlı mütəxəssis koronavirus pandemiyası səbəbindən Tokio-2020-nin təxirə salınmasını tələb edib: “BOK-un Olimpiadanı təşkil etməkdə israrlı davranışı insanlıq baxımından laqeydlik və məsuliyyətsizlikdir. Önümüzdəki 24 saat ərzində nələr baş verəcəyini planlaşdıra bilmədiyin bir dönəmdə 3 ay sonra nə olacağını bilmək olmaz. Yayılan koronavirus atletlər də daxil olmaqla, hər kəs üçün böyük təhlükədir. Olimpiya Oyunları dünyanın ən böyük idman tədbiridir. Ancaq hazırkı böhran Olimpiadadan da böyükdür”.

Qeyd edək ki, Tokio-2020-nin 24 iyul – 9 avqust tarixlərində keçirilməsi planlaşdırılır.
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"