Yaponiyanın paytaxtı Tokioda keçiriləcək Yay Olimpiya Oyunları “Böyük yeddilik” dövlətləri rəhbərlərinin videokonfransında müzakirə olunub.

Apasport.az saytının məlumatına görə, bunu ABŞ-ın prezidenti Donald Tramp açıqlayıb.

O Ağ Evdəki mətbuat konfransı zamanı bildirib ki, müzakirələr zamanı koronavirus pandemiyasının yayıldığı vaxtda Olimpiadanın keçirilməsinin mümkün olub-olmaması barədə fikir mübadiləsi aparılıb: “Bəli, biz bunu müzakirə etdik. Bu məsələ Yaponiyanın baş naziri Sindzo Abenin qərarından asılıdır. Biz bilmirik, qərar necə olacaq. Amma vəziyyət ciddidir”.

Qeyd edək ki, Olimpiya Oyunları iyulun 24-dən avqustun 9-dək keçirilməlidir.
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"