Koronavirus üzündən təqvimi alt-üst olan “Formula-1” yarışı xilas etmək yollarını axtarır.

Apasport.az saytının məlumatına görə, hazırda yarışın təşkilatçıları bir sıra variantları müzakirə edir.

Bunlardan biri cümə məşqindən imtina etməklə həftəsonu iki Qran-Pri keçirməkdir. Bəzi traslarda iki yarış təşkil edilməsi ilə ümumi mərhələ sayını artırmaq olar.

Hələlik hansı traslarda iki mərhələnin keçirilməsinin müzakirə olunduğu açıqlanmır. Bu isə o deməkdir ki, qarşıdakı Qran-Prilərin hər birində iki mərhələnin keçirilməsi mümkündür.

Qeyd edək ki, artıq 7 mərhələ təxirə salınıb. Avstraliya, Bəhreyn, Vyetnam, Çin, Niderland, İspaniya və Monako Qran-Prilərinin sonradan keçirilib-keçirilməməsi də dəqiqləşməyib. Bu təxirəsalmalardan sonra planlaşdırılan ilk mərhələ iyunun 7-də Bakıda baş tutmalıdır.
 

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib