“Beynəlxalq Olimpiya Komitəsi ən düzgün addımı atdı, hər şeydən önəmli insan sağlamlığıdır, o cümlədən idmançıların da”.

Apasport.az saytının məlumatına görə, bu fikirlər boks üzrə Azərbaycan milli komandasının üzvü Tayfur Əliyevə məxsusdur.

İdmançımız Tokio-2020 Yay Olimpiya Oyunlarının koronavirus pandemiyası üzündən təxirə salınmasına münasibət bildirib. Tayfur Milli Olimpiya Komitəsinin mətbuat xidmətinə açıqlamasında bu addımı dəstəkləyib: “Virusla mübarizə apardığımız gərgin günlərdə insan izdihamından uzaq duraraq proqrama riayət etmək və məşq etmək bizim üçün də çox çətin idi. Buna görə əslində hər şey yoluna düşənə qədər hərtərəfli yaxşı məşq etməyimiz üçün əlavə zaman qazandıq”. 

Qeyd edək ki, Əliyev Londonda keçirilən Avropa Olimpiya Təsnifat Turnirində 1/4 finala yüksəlməklə Olimpiadaya lisenziya qazanıb.
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"