“Fəridənin məğlubiyyətinə çox pis oldum. Ona uğurlar arzulayıram”.

Apasport.az saytının məlumatına görə, bunu Tokio-2020 Yay Olimpiya Oyunlarında bu gün mübarizəyə qoşulan Azərbaycan yığmasının taekvondoçusu Milad Beiqi Harçeqani Milli Olimpiya Komitəsinin feysbuk səhifəsinə açıqlamasında deyib.

Qadın taekvondoçumuz Fəridə Əzizovanın (67 kq) məğlubiyyətinə üzülən dünya və Avropa çempionumuz özü 80 kq çəki dərəcəsində yarışa uğurlu start verib. 1/8 final mərhələsində Çin Taypeyindən olan Vey-Tinq Liunu üstələyən 30 yaşlı idmançı çətinliklər yaşadığını etiraf edib: “Birinci döyüşümdə hələ bədən tam açılmamışdı, bir az çətinlik çəkirdim. Rəqib də səhvlərə yol verirdi. Ümid edirəm ki, növbəti döyüşlərə daha hazırlıq olacam və uğurlu nəticə qazanacam”.

Harçeqani 1/4 finalda üz-üzə gələcəyi Özbəkistan təmsilçisi Nikita Rafaloviçin tanış rəqib olduğunu söyləyib: “Növbəti rəqibimi yaxşı tanıyıram. Rafaloviçə bir dəfə məğlub olub, bir dəfə də qalib gəlmişəm”.

Qeyd edək ki, Milad Beiqi Harçeqani ilə Nikita Rafaloviç arasında görüş Bakı vaxtı ilə saat 10:15-də başlayacaq.
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO