“Koronavirusun yayılması ciddi problemdir. Bu, Olimpiya hərəkatının bütün iştirakçı ölkələrinin ehtiyatlı və vahid yanaşmasını tələb edir”. 

Apasport.az saytının məlumatına görə, bu sözləri Beynəlxalq Olimpiya Komitəsinin prezidenti Tomas Bax deyib.

Qurum başçısı koronavirus səbəbindən keçirilməsi sual altına düşən Tokio-2020 Yay Olimpiya Oyunları barədə fikirlərini açıqlayıb. O, indidən qərar verməyin tez olduğunu, lakin yarışın keçirilməsinə çalışdıqlarını qeyd edib: “Əsas çətinlik onunla bağlıdır ki, vəziyyət çox sürətlə dəyişir. Hazırda hətta bir neçə gündən sonra durumun necə olacağını demək çətindir. Bir neçə həftə sonrakı barədə isə ümumiyyətlə mümkünsüzdür. Beynəlxalq Olimpiya Komitəsinin yaratdığı İşçi Qrupunun Ümumdünya Səhiyyə Təşkilatından cəlb olunan üzvləri belə bir fikirdə ortaqdırlar ki, indi radikal qərarlar verməyin vaxtı deyil. Tokiodakı yarışların planlaşdırılan startına hələ 4 ay qalıb. Bəzi proqnozlara əsasən koronavirusla mübarizədə vəziyyətin yaxşılaşması 2-2,5 aydan sonra gözlənilir. Yaponiyanın baş naziri Sindzo Abe ilə tam razıyam ki, Olimpiadanı vaxtında keçirməklə bütün dünyaya insanların pandemiyadan güclü olduğunu göstərməliyik”.

Qeyd edək ki, Tokio-2020 iyulun 24-dən avqustun 9-dək keçiriləcək.
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"