Bakı. Elşən Məmmədov-APA-Sport. Azərbaycanın akademik qayıqlarda avarçəkmə üzrə yığma komandası iyunun 15-də Polşanın Poznan şəhərində start götürəcək 2008-ci il Pekin Yay Olimpiya Oyunlarına lisenziya xarakterli turnirə Mingəçevirdəki “Kür” Təlim-Tədris Mərkəzində hazırlaşacaq. “APA-Sport” agentliyinin məlumatına görə, millimiz iyunun 1-də başlanacaq təlim-məşq toplantısına baş məşqçi Samir Məmmədov və məşqçi Aleksandr Barabanovun rəhbərliyi altında yollanacaq. Heyətə 12 idmançı – Toğrul Qurbanzadə, Cavid Əfəndiyev, Fikrət Məmmədov, Kamal Məmmədov, Dostməmməd Dostməmmədov, Timur Kutseba, Aleksandr Qlotov, Kamran Yusubov, Fərman Əliyev, Aleksandr Jdanov, Əbdülrəşid Mustafin və Xəyal Zülfüqarov daxil edilib. Yığmamızın hazırlıq prosesi iyunun 10-dək davam edəcək.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"