Onun sözlərinə görə, Romal Amanov, Aslan Bayramov, Elçin Əlizadə, Elnur Qədirov, Elşən İsmayılov, Famil Süleymanov və Rahib Bəylərov əsgərliyə çağırılıblar: “Pekin Olimpiadasına lisenziya xarakterli yarışlarla əlaqədar yığmanın 7 boksçusuna bu il oktyabrın 1-dək möhlət verilmişdi. Onlar lisenziya qazana bilmədiklərindən oktyabrda deyil, bir neçə gündən sonra həqiqi hərbi xidmətə gedəcəklər”. A.Abıyev bildirib ki, boksçular hərbi xidmət dövrünün böyük hissəsini Mərkəzi Ordu İdman Klubunda keçirəcəklər: “Noyabrda Bakıda hərbçilər arasında boks üzrə dünya çempionatı baş tutacaq. Əgər milli komanda üzvləri əsgərliyə oktyabrda yollansaydılar, dünya çempionatına tam hazır olmayacaqdılar. Yəni, vaxt itkisinə yol verəcəkdik. Bunu nəzərə alaraq, onların iyulda hərbi xidmətə başlamalarını məqsədəuyğun saydıq. Hər 7 boksçu müxtəlif hərbi hissələrə gedəcəklər. Hərbi andiçmədən sonra, avqustun ortalarında onlar MOİK-ə ezam olunaraq, qarşıdakı dünya çempionatına hazırlaşacaqlar”.

• Təmsilçimiz Rusiyada bürünc medal qazanıb
• III MDB Oyunları ilə əlaqədar olaraq Gəncə “MDB-nin idman paytaxtı” seçilib
• III MDB Oyunlarında 246 medal dəsti uğrunda mübarizə aparılacaq
• "Formula 1" üzrə Azərbaycan Qran-prisinin tarixi açıqlanıb
• Yeniyetmə badmintonçularımız beynəlxalq turnirdə qızıl medal qazanıblar