Onun sözlərinə görə, 2008-ci il Pekin Yay Olimpiya Oyunlarında üç medalı əldə etməyə Çamsulvara Çamsulvarayev (74 kq), Novruz Temrezov (84 kq) və Xetaq Qazyumovun (96 kq) şansları daha çoxdur: “Biz hər üç pəhləvanımızdan qızıl medallar uğrunda mübarizə gözləyirik. Qalan dörd çəkidəki idmançılarımız da medallar uğrunda mübarizə aparacaqlar. Amma ümidlərimizi daha çox Çamsulvarayev, Temrezov və Qazyumova bağlamışıq”. Dağıstanlı mütəxəssis Pekin Olimpiadasında ümumi komanda hesabında minimum hədəflərinin ilk “altılıq”da yer almaqdan ibarət olduğunu vurğulayıb.
Qeyd edək ki, sərbəst güləşçilərimiz Olimpiadada bütün 7 mümkün çəki dərəcəsində çıxış edəcəklər. Pəhləvanlarımızdan Namiq Sevdimovla (55 kq) Zəlimxan Hüseynov (60 kq) avqustun 19-da döşək üzərinə çıxacaqlar. Ertəsi gün mübarizəyə Emin Əzizovla (66 kq) Çamsulvara Çamsulvarayev (74 kq) qoşulacaqlar. Avqustun 21-də isə Novruz Temrezov (84 kq), Xetaq Qazyumov (96 kq) və Əli İsayev (120 kq) güləşəcək.

• AMADA təlim keçirib
• Millimiz beynəlxalq turnirdə 7 medal qazanıb
• İdmançımız İtaliyada 2-ci oldu
• Gimnastlarımızdan bürünc medal
• Səbinə Əliyeva Türkiyədə çıxış edib