Gürcüstanın paytaxtı Tiflisdə təşkil olunan cüdo üzrə Avropa çempionatı davam edir. Apasport.az saytının məlumatına görə, yarışın ikinci günündə də Azərbaycan milli komandası medal qazana bilməyib.

Bu gün cüdoçularımızdan Elçin Qasımov (73 kq), Elxan Rəcəbli (81 kq) və Ramilə Usubova (63 kq) mübarizəyə qoşulub. Lakin hər 3 idmançımız mübarizəni erkən dayandırıb. Həm Elçin, həm də Elxan hərəyə cəmi 1 qələbə qazanıblar. 1/8 finalda isə onlar məğlubiyyətə düçar olublar. Həmçinin, Ramilə ilk görüşdə uduzub. Yığmamızın üzvləri 1/4 finaldan tez məğlub olduqları üçün avtomatik olaraq, təsəlliverici mərhələyə qatılmaq şanslarını da itiriblər.

Xatırladaq ki, çempionatın birinci günündə, dünən Samir Dadaşzadə (60 kq) və Ramil Qasımov (66 kq) uğursuz çıxış edib. Azərbaycan cüdosunun nüfuzunu sabah tatami üzərinə çıxacaq son təmsilçilərimiz Elxan Məmmədovla (90 kq) Elmar Qasımov (100 kq) qoruya bilər.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib