Xorvatiyanın Riyeka şəhərində keçirilən fərdi Avropa çempionatının VIII turu Azərbaycanın kişi şahmatçıları üçün əlamətdar olub. Apasport.az saytının məlumatına görə, hesabat turunda 8 həmyerlimizdən heç biri uduzmayıb. Rauf Məmmədov, Nicat Məmmədov, Eltac Səfərli, Ülvi Bacarani, Vasif Durarbəyli və Qədir Hüseynov heç-heçə oynayıb. Vüqar Rəsulov və Namiq Quliyev isə qələbə qazanıblar.

Xanım şahmatçılarımıza gəlincə, burada nəticələr fərqli olub. Nərgiz Umudova, Nərmin Kazımova və Zeynəb Məmmədyarova qalib gəldikləri təqdirdə, digər təmsilçilərimiz Gülnar Məmmədova, Türkan Məmmədyarova, Xəyalə İsgəndərova və Xəyalə Abdulla xalsız qalıblar.

Bu gün axşam saatlarında IX turun görüşləri baş tutacaq. 11 turdan ibarət yarış martın 17-də yekunlaşacaq.

VIII turdan sonra turnir cədvəli
Kişilər (333 iştirakçı):

10. Rauf Məmmədov 6 xal
39. Eltac Səfərli 5,5
48. Nicat Məmmədov 5,5
86. Vasif Durarbəyli 5
91. Ülvi Bacarani 5
168. Namiq Quliyev 4,5
217. Qədir Hüseynov 4
240. Vüqar Rəsulov 4

Qadınlar (158 iştirakçı):

62. Zeynəb Məmmədyarova 4,5
72. Gülnar Məmmədova 4
75. Türkan Məmmədyarova 4
91. Nərgiz Umudova 4
103. Nərmin Kazımova 3,5
104. Xəyalə Abdulla 3,5
105. Xəyalə İsgəndərova 3,5

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"