Sabah Cənubi Afrika Respublikasında start götürəcək dünya çempionatında iştirak edəcək yığmalar itki verməkdə davam edirlər. Apasport.az saytının məlumatına görə, “qara qitə”də keçirilən mundialda qüvvəsini sınamaq arzusu isveçrəli Aleksandr Frayın da ürəyində qala bilər. Belə ki, o komanda səfərə yollanmamışdan əvvəl vətəndə baş tutan son məşqdə Stiv fon Bergenlə mübarizədə zədələnib.

Bu zədə İsveçrənin baş məşqçisi Otmar Hitsfeldi də narahat edir. Almaniyalı mütəxəssis yerli mətbuata verdiyi açıqlamasında futbolçu ilə bağlı son qərarın verilmədiyini və onun böyük ehtimalla CAR-a aparılacağını bildirib. Məşqçinin sözlərinə görə, futbolçunun taleyinə təkrar müayinədən sonra aydınlıq gələcək.

Qeyd edək ki, “Bakı” ilə Avropa Liqasında “Bazel”in heyətində hər iki oyunda meydana çıxan Fray Avropa çempionatının final mərhələsində də ilk görüşdə zədələnərək yarışı yarımçıq başa vurmuşdu.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO