Argentina qələbə qazandı, İngiltərə ABŞ-la bacarmadı

13.06.2010 - 00:24

Dünya çempionatının final mərhələsinin ikinci günündə daha 6 komanda mübarizəyə başlayıb. Apasport.az saytının məlumatına görə, günün ilk iki matçında B qrupunun təmsilçiləri, son oyunda isə C qrupunun iki komandası üz-üzə gəlib.

Günün ilk matçında gözlənilməz hesab qeydə alınıb. Yunanıstan Cənubi Koreya ilə oyunda favorit olmasına baxmayaraq, meydanı məğlub tərk edib. Asiyalılar Avropa təmsilçisini vurduqları iki cavabsız qolla məğlubiyyətə uğradıblar.

Əfsanəvi Dieqo Maradonanın baş məşqçisi olduğu Argentina yığması da mundialda uğurlu start götürüb. Cənubi amerikalılar turnirdəki ilk matçında Nigeriya milli komandası üzərində minimal hesablı qələbə qazanıblar.

İngiltərə və ABŞ yığmaları arasındakı qarşılaşmaya gəlincə, britaniyalılar görüşə daha yaxşı başlayıblar. Bunun nəticəsi kimi, Fabio Kapellonun komandası Cerrardın erkən qolu sayəsində hesabda önə çıxıblar. Amma fasiləyədək ABŞ millisi bərabərlik topunu vurub. Buraxılan qolda ingilislərin qapıçısı kobud səhvə yol verib.

İkinci hissədə isə qapılara top vurulmayıb. Mundiala favorit kimi yollanan ingilislərin ilk oyundaca xal itkisinə yol verib.

12 iyun
B qrupu

16:30. CƏNUBİ KOREYA – YUNANISTAN - 2:0
QOLLAR: Li Yun Su, 7; Pak Çji Sun, 52
Baş hakim: Maykl Ester (Yeni Zelandiya)
Port Elizabet. Nelson Mandela stadionu
CƏNUBİ KOREYA: Şon Son Ren, Ça Du Ri, Ço En Xen, Li Çjon Su, Li En Pxe, Ki Son En, Kim Çjon Yu, Li Çun Yun, Pak Çji Sun, Pak Çu Yun, Em Qi Xon
YUNANISTAN: Aleksandros Tsorvas, Avraam Papadopulos, Yurkas Seytaridis, Sotirios Kiryakos, Vassilis Torosidis, Aleksandros Tsiolis, Kostas Katsuranis, Sotirios Ninis, Pantelis Kapetanos, Dimitrios Salpingidis, Georgios Samaras.

-------------------------------------------------------------------------------------------------------------------------------

19:00. ARGENTİNA – NİGERİYA - 1:0
QOL: Hayntse, 6
Baş hakim: Volfqanq Ştark (Almaniya)
Yohannesburq. Ellis Park stadionu
ARGENTİNA: Romero, Demişelis, Hayntse, Di Mariya, Veron, İquain, Messi, Teves, Samuel, Maskerano, Xonas.
NİGERİYA: Enyama, Yobo, Tayvo, Şittyu, Yakubu, Kayta, Haruna, Odia, Obinna, Obasi, Etxu

-------------------------------------------------------------------------------------------------------------------------------

C qrupu

23:30. İNGİLTƏRƏ - ABŞ - 1:1
QOLLAR: Cerrard, 4 - Dempsi, 39
Baş hakim: Karlos Simon (Braziliya)
Rustenburq. Royal Bafokenq stadionu
İNGİLTƏRƏ: Qrin, Conson, Eşli Koul, Terri, Cerrard, Lennon, Kinq, Lempard, Milner, Runi, Heski
ABŞ: Hovard, Bokanqera, Bredli, Onevu, Çerundolo, De Merit, Dempsi, Donovan, Klark, Altidor, Findli