İyunun 19-20-də Maltada atletika üzrə komandalar arasında Avropa çempionatı keçiriləcək. Apasport.az saytının məlumatına görə, yarışda Azərbaycan yığması 29 idmançı (20 oğlan, 9 qız) ilə qüvvəsini sınayacaq.

Qitənin nisbətən zəif atletlərinin mübarizə aparacağı çempionatda komandamızın rəqibləri Albaniya, Andorra, Ermənistan, Bosniya və Herseqovina, Kipr, Danimarka, Gürcüstan, İslandiya, Lüksemburq, Makedoniya, Malta və Çernoqoriya idmançıları olacaq.

Qeyd edək ki, iyunun 17-də Maltaya yollanacaq yığmamızın heyətində lider Ramil Quliyev yer almayacaq. Buna səbəb “Fənərbaxça”nın şərəfini qoruyan atletimizin zədələnməsidir.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO