Braziliya yığmasının aparıcı futbolçusu Kaka dünya çempionatının Kot D’İuvar millisi ilə oyununda (3:1) baş hakimin onun haqda çıxardığı qərarı ədalətsiz sayır. Apasport.az saytının məlumatına görə, 28 yaşlı yarımmüdafiəçi fransalı baş hakim Stefan Lannuanın göstərdiyi qırmızı vərəqənin düzgün olmadığını bildirib.

Kaka ikinci hissədə qısa müddətdə iki sarı alaraq meydandan çıxarılıb: “Mən həmin epizodun təkrarına baxdım və əmin oldum ki, orada ümumiyyətlə, qayda pozuntusu yox idi. Mənə qırmızı vərəqə haqsız göstərilib. Ümid edirəm ki, FİFA bu məsələni araşdıracaq”.

Qeyd edək ki, Kaka cəza üzündən son turda Portuqaliya ilə görüşdə oynamayacaq.

• Bakı məktəbliləri arasında velosiped yarışı keçirilib
• AMADA narkomanlığa qarşı mübarizəyə dair dövlət proqramı əsasında dəyirmi masa keçirib
• "Qarabağa veloyürüş – Zəfərin izi ilə" layihəsi həyata keçirilib
• AMADA 2025-ci ilin 10 ayında 27 idmançının məkan məlumatı pozuntusunu açıqlayıb
• AMADA: Son 8 ildə ən çox dopinq sanksiyası tətbiq edilən idman növləri açıqlanıb