Ukraynanın Krivoy Roq şəhərində keçirilən pauerliftinq növü üzrə ölkə birinciliyinə yekun vurulub. Apasport.az saytının məlumatına görə, yarışda beynəlxalq dərəcəli idman ustası olan həmyerlimiz Ruslan Mehrəliyev də qüvvəsini sınayıb. Yarış azərbaycanlı idmançı üçün uğurlu olub. O, bütün rəqiblərini qabaqlayaraq Ukrayna çempionu adını qazanıb.

Qeyd edək ki, Ukraynanın Çerniqov şəhərində yaşayan Ruslan bu mötəbər turnirdən əvvəl də şəhər və ölkə yarışlarında dəfələrlə fəxri kürsüyə yüksələrək diplom və fəxri fərmanlara layiq görülüb. Mehrəliyev hazırda məşqlərini daha ciddi şəkildə davam etdirir və ilin sonunda Moskva şəhərində keçiriləcək dünya çempionatında iştirak etmək arzusundadır.

• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib