Boks üzrə Azərbaycan çempionatının qalibləri müəyyənləşib. Apasport.az saytının məlumatına görə, baş tutan final görüşlərində sensasiya qeydə alınmayıb.

Belə ki, ən yüngül - 49 kq çəki dərəcəsində Salman Əlizadə təcrübəli Elvin Məmişzadəyə uduzub. Avropa çempionatının gümüş mükafatçısı gənc Əlizadəni 7:5 hesabı ilə məğlub edib.

52 kq çəki dərəcəsində dünya birinciliyinin ən texnikalı boksçusu Şaban Şahpələngovun da İlkin Ağayevə qalib gəlməyə təcrübəsi kifayət etməyib və minimal hesabla uduzub. Sinqapur-2010-un gümüş mükafatçısı Elvin İsayev də eyni aqibəti yaşayıb. O, əsas yığmamızın aparıcı üzvü Heybətulla Hacıəliyevdən cəmi 2 zərbə buraxıb.

Sadiq Eynullayev (75 kq) və Emil Məhərrəmov arasında həlledici döyüş isə başa çatdırılmayıb. Məhərrəmov hesabda geridə olarkən (3:9) zədələnib və gümüş medalla kifayətlənib.

Digər çəkilərdə Rəhim Nəcəfov (56 kq), Tamerlan Abdullayev (64 kq), Rahib Bəylərov (75 kq), Vətən Hüseynli (81 kq), Teymur Məmmədov (91 kq) və Fərid Paşayev (+91) fəxri kürsünün ən yüksək pilləsinə qalxıblar.

Qeyd edək ki, komanda hesabında “Rabitə” I yeri tutub. “Neftçi” İSM II və “Sədərək” isə III olub.

• "Üzgüçülük hamı üçün" turnirinin açılış mərasimi keçirilib
• ACES Europe prezidenti: “Bakı dünyanın ən vacib şəhərlərindən biridir”
• Elnur Məmmədov: “Dünya İdman Paytaxtı” seçilməsi Bakıya yeni imkanlar açır”
• Bakı “Dünya İdman Paytaxtı” elan olunub - FOTO
• Azərbaycanlı xanəndə Avropa çempionu olub