Beynəlxalq Cüdo Federasiyası may ayı üçün reytinq cədvəlini açıqlayıb. Apasport.az saytının məlumatına görə, yeni siyahıda geriləyən idmançımız olmayıb.

Ən yüksək irəliləyişə Bakı Qran-prisində gümüş medal qazanan Elxan Rəcəbli (81 kq) nail olub. O, birdən-birə 15 pillə irəliləyərək 20 yerə yüksəlib. Rəcəbli aktivindəki lisenziya xallarının sayını 386-ya çatdırıb.

Qadınlardan ibarət millimizin üzvü Kifayət Qasımova (57 kq) da mövqeyini yaxşılaşdırıb. Qran-pridə fəxri kürsünün ən yüksək pilləsinə qalxmaq, həmyerlimizi Olimpiadaya lisenziya verəcək 12-ci yerə yüksəldib. O, 580 lisenziya xalını növbəti yarışlarda da artıracağı halda, London-2012-də mübarizə apara biləcək.

İlqar Müşkiyev (60 kq) 3, Elmar Qasımov (100 kq) və Ramilə Yusubova (63 kq) hərəyə 2 rəqiblərini qabaqlayıblar. Onlar yeni siyahıda müvafiq olaraq, 15-ci, 30-cu və 22-ci yerdə qərarlaşıblar.

Milli komandamızın liderləri Elnur Məmmədli (81 kq), Elxan Məmmədov (90 kq) və Tərlan Kərimovun isə mövqelərində dəyişiklik edilməyib. İlk 2 cüdoçu 5-ci, digəri isə 15-ci pillədəki yerlərini qoruyublar.

Xatırladaq ki, London-2012-yə Olimpiada ərəfəsində yekun siyahıda kişi idmançıların reytinqində ilk 22 yer, zəriflər arasında isə 12 yer lisenziya qazanacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”