“Döyüşüm rahat keçdi. Rəqibi daim gərginlikdə saxladım. Qarşıma London olimpiadasına lisenziya almaq vəzifəsi qoymuşam”. Bunu apasport.az saytına açıqlamasında Azərbaycan milli komandasının boksçusu Teymur Məmmədov (91 kq) deyib.

Bakıda keçirilən dünya çempionatının 1/8 final mərhələsində macarıstanlı rəqibi Yozef Darmosa 24:9 hesabı ilə qalib gəlmiş Avropa çempionumuz artıq növbəti mərhələ barədə düşünür: “Rəqibim boyca məndən alçaq olduğundan, onunla döyüşdə daim məsafə saxladım. Əks zərbələrimin əksəriyyəti dəqiq oldu və mən böyük üstünlüklə qalib gəldim. İndi məqsədim 1/4 finlada yalnız qələbə qazanmaqdır. Çünki növbəti dəfə rinqi qalib kimi başa vurduqdan sonra həm olimpiadaya lisenziya, həm də dünya çempionatında ən azından bürünc medal qazanmış olacam”.

Qeyd edək ki, Məmmədovun çəkisində London-2012-yə ilk “6-lıq”da yer alan idmançılar vəsiqə qazanacaqlar.

KAMRAN

• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu