Hollandiyanın Veyk-an-Zee şəhərindən ənənəvi beynəlxalq şahmat turnirinə start verilib. Apasport.az saytının məlumatına görə, bir dövrədən ibarət yarışda ölkəmizi beynəlxalq qrossmeysterlər - Teymur Rəcəbovla (2773) Vüqar Həşimov (2761) təmsil edirlər.

İlk turun görüşlərindən 3-də qalib müəyyənləşib. Təəssüf ki, məğlublardan biri Həşimov olub. O, qara fiqurlarla oynayaraq yarışın əsas favoriti sayılan Maqnus Karlsenə (Norveç, 2835) uduzub. Hollandiyalı Aniş Qiri (2714) Boris Gelfand (İsrail, 2739), Levon Aronyan (Ermənistan, 2805) isə Sergey Karyakin (Rusiya, 2769) üzərində qaralarla qələbə qazanıblar.

Digər şahmatçımız ağlarla oynayan Rəcəbov isə Fabiano Karuana (İtaliya, 2736) ilə xalı yarı bölüb. David Navaradır (Çexiya, 2712) - Veselin Topalov (Bolqarıstan, 2770), Hikaru Nakamura (ABŞ, 2759) - Vasili İvançuk (Ukrayna, 2766), Qata Kamski (ABŞ, 2732) - Lyuk Van Veli (Hollandiya, 2692) oyunlarında da qalib müəyyənləşməyib.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"