Azərbaycan Milli AntiDopinq Agentliyi (AMADA) İdmançılar Məsləhətçi Komissiyası təsis edib. 

Apasport.az saytının məlumatına görə, bu addım dopinqlə mübarizənin və təmiz idmanın təşviqində idmançıların rolunun artırılması məqsədilə atılıb.

Yeni yaradılan komissiyanın əsas məqsədi AMADA-nın fəaliyyətində idmançıları təmsil etmək, onların hüquqlarının müdafiəsinə və təmiz idmanın təşviqinə aid məsələlər üzrə məsləhətlər verməkdir. Komissiyanın funksiyası idmançılar və AMADA arasında əlaqələndirici rolunu oynamaq olacaq.

Tərkibi təsdiqlənən komissiya on iki idmançıdan ibarətdir. Bunlar İlham Zəkiyev, Hacı Əliyev, Rəsul Çunayev, Fəridə Əliyeva, Fuad Qurbanov, Aynur Məmmədova, Nazim Babayev, Ayan Xankişiyeva, Siyana Vasilyeva, Kamran Şahsuvarlı, Rüstəm Orucov və Ruslan Abışovdur.

AMADA komissiya ilə vacib məsələlər üzrə birgə çalışaraq, fəaliyyətində idmançıların fikir və ehtiyaclarını nəzərə almaq üçün əməkdaşlıq edəcək.
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"