AVRO-2020-nin qrup mərhələsi çərçivəsində Bakıda keçiriləcək oyunlara Türkiyədən böyük maraq var.

Apasport.az saytının məlumatına görə, "ay-ulduzlu" komandanın paytaxtımızdakı qarşılaşmasında qonşu ölkədən axın gözlənilir.

Şenol Günəşin kollektivi yer aldığı A qrupunda Bakıda iki oyuna çıxacaq ki, Türkiyədən həmin görüşlərə artıq 30 min bilet alınıb. Qitə birinciliyinin startına hələ bir neçə ay vaxt qaldığından, bu sayın artması gözlənilir. Yerli mətbuat turnir zamanı Türkiyə prezidenti Rəcəp Tayyib Ərdoğan və hökumət nümayəndələrinin də ölkəmizdə olacağını yazıb.

Qeyd edək ki, AVRO-2020-nin açılış oyununu iyunun 12-də Romada İtaliyaya qarşı keçirəcək Türkiyə millisi həmin ayın 17-də Uels, 21-də isə İsveçrə ilə Bakı Olimpiya Stadionunda üz-üzə gələcək.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"