Tokio-2020 Yay Olimpiya Oyunlarına qatılmaqdan imtina edən Kanadanın ardınca daha bir ölkə yarışda iştirakı mümkünsüz sayıb.

Apasport.az saytının məlumatına görə, Avstraliya Olimpiya Komitəsi koronavirusla bağlı mövcud durumda Olimpiada üçün komanda toplaya bilməyəcəyini açıqlayıb.

“Yaşıl qitə” təmsilçisi yarışın 2021-ci ildə keçirilməsi üçün hazırlaşacaq: “Avstraliya Olimpiya Komitəsi telekonfrans vasitəsilə İcraiyyə Komitəsinin iclasını keçirib. Yekdilliklə qərara alınıb ki, ölkədəki və dünyadakı mövcud şəraitdə komanda toplamaq mümkün deyil. Qurum əsas prinsipləri təsdiqləyib ki, idmançıların sağlamlığı birinci sırada durur. Bizim qərar də bu prinsipi əks etdirir. Birmənalı şəkildə bu Oyunlar iyulda baş tuta bilməz. Bizim idmançılar məşqlərdə və hazırlıqda çox möhtəşəmdirlər. Amma koronavirus pandemiyasının yaratdığı stress və inamsızlıq hazırlığı çox çətin edir”.

Qeyd edək ki, Olimpiya Oyunları iyulun 24-dən avqustun 9-dək keçirilməlidir.
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"