Şimali Makedoniya millisinin futbolçusu Qoran Pandev Avropa çempionatları tarixinə final mərhələsində qol vuran ikinci ən yaşlı oyunçu kimi düşüb.

Apasport.az saytının məlumatına görə, AVRO-2020-nin I turunun Avstriya ilə hazırda davam edən qarşılaşmasında (1:1) hesabı bərabərləşdirən hücumçu 37 yaş 321 günlüyündə fərqlənib.

Avstriyalılara qol vuran veteran forvard yalnız bu ölkə təmsilçisindən geri qalır. İvitsa Vastiç AVRO-2008-də 38 yaş 257 günlüyündə qol sevinci yaşayıb.

Pandev həm də Şimali Makedoniyanın tarixinə düşüb. Qoran yığmasının dünya və Avropa çempionatlarının final mərhələlərindəki ilk qolunu vurub. Bu, komandanın böyük turnirlərdəki debütünə təsadüf edib.
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO