“Real”ın hücumçusu Eden Azar Avropa çempionatını buraxa bilər.

Apasport.az saytının məlumatına görə, bunu Belçika millisinin baş məşqçisi Roberto Martines deyib.

47 yaşlı mütəxəssis yenidən zədələnən 29 yaşlı oyunçunun durumuna görə narahatlıq keçirdiyini söyləyib: “Real”ın tibbi personalı ilə çox yaxşı əlaqələrimiz var. Edenə görə narahatıq. Təəssüf ki, “Levante” ilə çempionat matçında yenidən zədələndi və ən azı daha 3 ay futbol oynaya bilməyəcək. Ancaq onun kimi futbolçu daim oynamalıdır”.

Qeyd edək ki, Azar zədə səbəbindən bu mövsüm La Liqanın cəmi 10 matçında iştirak edib. Belçika yığması AVRO-2020-də Danimarka, Finlandiya və Rusiya ilə B qrupunda mübarizə aparacaq.
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"