Avstriyada təşkil olunan Karate1 Premyer Liqa turnirinin son günündə həlledici görüşlər keçirilib.

Apasport.az saytının məlumatına görə, Azərbaycan karateçiləri Zalsburqdakı yarışda iki medal qazanıblar. 

“Sporthalle Alpenstrasse" arenasında keçirilən turnirdə Rafiz Həsənov (67 kq) qızıl medala yiyələnib. O, finalda Luka Mareskaya (İtaliya) 3:1 hesabı ilə qalib gələrək, fəxri kürsünün ən yüksək pilləsinə qalxıb.

İrina Zaretska (68 kq) isə bürünc mükafat qazanıb. Milliləşən legioner üçüncülük mübarizəsində Linqlinq Tanqı (Çin) 4:0 hesabı ilə üstələyib.

Yarışın son günü mükafat görüşlərinə çıxan digər idmançılarımızdan Ayxan Mamayevlə (84 kq) Asiman Qurbanlı (+84 kq) bürünc medal şanslarını əldən veriblər. Ayxan Mamayev qazaxıstanlı Daniyar Yuldaşevə 3:5, Asiman Qurbanlı isə misirli Mahmud Tarekə 2:4 hesabı ilə uduzub.

Qeyd edək ki, Dünya Karate Federasiyasının (WKF) ən nüfuzlu liqa yarışının 3-cü mərhələsində 88 ölkədən 625 karateçi iştirak edib. Turnir karateçilərə həmçinin dünya və olimpiya reytinqi xalları qazandırıb.
 

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib