Azərbaycan karateçisi İrina Zaretska Avropa çempionatının finalına yüksəlib. 

Apasport.az saytının məlumatına görə, 68 kq çəki dərəcəsində mübarizə aparan idmançı yarımfinalda Ketrin Pedersona (Danimarka) qalib gəlib.

Daha öncə Teodosiya Giamoki (Kipr), Alizee Agier (Fransa) və Alisa Buçingeri (Avstriya) məğlub edən təmsilçimiz həlledici görüşdə yunanıstanlı Vasiliku Pnetsidu (Yunanıstan) ilə üz-üzə gələcək.     

Milli komandanın ağır çəkidə idmançısı Asiman Qurbanlı (+84 kq) isə Avropa çempionatının bürünc medalı uğrunda mübarizə aparacaq. O, yarımfinalda serbiyalı Slobodan Biteviçə məğlub olub. 

Əvvəlki döyüşlərdə isə Qurbanlı Miçel Çorbalanı (Danimarka), Mehdi Filalini (Fransa) və Lardi Tayrron-Darneli (Niderland) məğlub edib. Qitə üçüncüsü olmaq üçün Asiman Herolind Nişevçi (Kosova) ilə görüş gözləyir. 

Medallar uğrunda həlledici görüşlər 22 Mayda keçiriləcək.

Onlardan fərqli, Neda Rezai və Roman Heydərov (fərdi kata) yarışı ilkin mərhələlərdə başa vurublar. Fəridə Əliyeva (+68 kq) isə zədə aldığından çempionata qatılmayıb. 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO