“Ukraynanın paytaxtı Kiyevin meri, peşəkar boks üzrə ağır çəkidə sabiq dünya çempionu Vitali Kliçko qeyri-adi təkliflə üzləşib.

APA-nın məlumatına görə, ona restoranda döyüşmək təklif olunub.

Bunu V.Kliçkonun özü açıqlayıb: “Bir neçə gün öncə restoranlardan birinə getdim. Orda artıq şən vəziyyətdə olan bir dəstə əyləşmişdi. Onlardan biri durub mənə dedi ki, sən Kliçkosan. Döyüşlərini görmüşəm. Amma deyə bilərəm ki, sənlə döyüşməyə hazıram. Mən əminəm ki, sənə qalib gələ bilərəm”.

Lakin sabiq dünya çempionu vəziyyətdən çıxış yolu tapıb: “Ona necə cavab verəcəyimi düşündüm və dedim ki, axı mən peşəkaram. Peşəkar yalnız pula görə döyüşür. Pulsuz döyüşmək mənim qaydalarımda yoxdur. Mən çox bahalıyam. Əgər 2 milyon dollar toplaya bilsən, ola bilər ki, səninlə qarşılaşaq. O, bundan sonra imtina etdi. Yəqin Kliçko ilə döyüşmək üçün bu qədər pulu haradan tapacağını düşünüb”.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib