Azərbaycan Milli Paralimpiya Komitəsinin (AMPK) rəhbərliyində dəyişiklik olub. 

Apasport.az saytının məlumatına görə, AMPK-nin ümumi yığıncağında Yaşar Hacıyev qurumun I vitse-prezidenti seçilib. 

Sumqayıt Paralimpiya İdman Kompleksinin direktoru bu vəzifədə Natiq Qasımovu əvəzləyib. 

Toplantıda həmçinin AMPK-nin İcraiyyə Komitəsi yenidən formalaşıb. Heyətdə İlqar Rəhimov (AMPK-in prezidenti, İcraiyyə Komitəsinin sədri), İlham Zəkiyev, Yaşar Hacıyev (hər ikisi vitse-prezident), Kamal Məmmədov (baş katib), Afaq Sultanova (Paralimpiya çempionu), Vüsalə Kərimova (Əlil İdmançılara dəstək İB-nin baş katibi, əlil arabasında idman rəqsi, idmançı), Sadıq Sadıqov (“Neftçi” İK-nın icraçı direktoru), Aydın Məmmədov (Gənclər və İdman Nazirliyinin şöbə müdiri), Səmyar Abdullayev (Gözdən Əlillər Cəmiyyətinin prezidenti), Mehman Kərimov (Milli Olimpiya Komitəsinin şöbə müdiri) və Səlhət Abbasova (Ədalətli Oyunlar Komissiyasının məsul katibi) yer alacaqlar. 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"