2022-ci ildə Çinin paytaxtı Pekində keçiriləcək Qış Olimpiya və Paralimpiya Oyunlarına hazırlıq çərçivəsində adaptasiya olunmuş idman sınaqları təşkil olunacaq.

Apasport.az saytının məlumatına görə, bu barədə qərarı Pekin-2022-nin Təşkilat Komitəsi, Qış Olimpiya Federasiyaları, Beynəlxalq Olimpiya Komitəsi və Beynəlxalq Paralimpiya Komitəsi birgə müzakirələrdən sonra veriblər.

Adaptasiya olunmuş sınaqlar proqramı beynəlxalq test yarışları seriyasını əvəzləyəcək. Yarışlar 2021-ci ilin birinci rübünə nəzərdə tutulmuşdu.

Buna koronavirus pandemiyası ilə bağlı vəziyyət səbəb olub. Bu, əsasən idman obyektlərinin sınaqdan çıxarılmasına xidmət edir. Bu qurğuların inşası 2020-ci ilin sonunda başa çatdırılacaq.

Qeyd edək ki, Pekin Olimpiya və Paralimpiya Oyunları 2022-ci ilin fevralında baş tutacaq.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”