Mayın 27-29-da Bakıda keçiriləcək aerobika gimnastikası üzrə dünya çempionatına qatılacaq ölkələrin sayı açıqlanıb. 

Apasport.az saytının məlumatına görə, ilk dəfə ev sahibliyi edəcəyimiz mundialda 22 ölkədən 171 idmançının iştirakı gözlənilir.

3 gün davam edəcək çempionatda gimnastlar fərdi qadın və kişi, qarışıq cütlük, üçlük, qrup, həmçinin aero dans və aero step proqramlarında yarışacaqlar. Qaydalara əsasən, bir iştirakçı bu kateqoriyaların maksimum üçündə çıxış edə biləcək. 

Çempionatda hər bir kateqoriya üzrə təsnifat və final mərhələləri baş tutacaq.

Azərbaycan yığması isə yarışa 12 idmançı ilə qatılacaq. Komandamızın heyətində Vladimir Dolmatov, Nurjan Cabbarlı, Mədinə Mustafayeva, Emil Quliyev, İmran İmranov, Elçin Məmmədov, Balaxanım Əhmədova, Xoşqədəm Quliyeva, Nərminə Hüseynova, Ayxan Əhmədli, Nigar İbrahimbəyli və Akif Kərimli yer alacaq. 
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO