Azərbaycanlı atlet Ramil Quliyev 200 metr məsafəyə qaçışda Avropa rekordunu qırmağa çalışacaq.

Apasport.az saytının məlumatına görə, bunu Türkiyə Atletika Federasiyasının prezidenti (TAF) Fatih Çintimar deyib.

Türkiyə millisinin Ərzurumdakı təlim-məşq toplanışını ziyarət edən federasiya prezidenti həmyerlimizin italiyalı atletə məxsus rekordu yeniləyəcəyinə inandığını bildirib: “12-13 iyunda Ərzurumda Olimpiadaya lisenziya xarakterli yarış olacaq. Bu turnirdə Ramil Quliyev 200 metr məsafəyə qaçışda Avropa rekordu qırmağa çalışacaq. O, italiyalı Pyetro Menneaya məxsus olan və 37 ildir əlçatmaz olan 19,72-lik rekordu Ərzurumda yeniləyərək, tarixə keçmək istəyir”.

Qeyd edək ki, Ramil Quliyev Türkiyə atletika yığmasının ilk dünya çempionudur.
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO