Atletika üzrə qapalı məkanlarda dünya turunda növbəti mərhələ keçirilib.

Apasport.az saytının məlumatına görə, İspaniyanın paytaxtı Madriddə təşkil olunan yarışda Azərbaycan atletləri də qüvvəsini sınayıb.

Üçtəkanla tullanma yarışında iki idmançımız – Nazim Babayevlə Aleksis Kopello mübarizə aparıb. 10 iştirakçının sifariş olunduğu, lakin 9-nun qatıldığı turnirdə təmsilçilərimiz mükafatçılar sırasına düşə bilməyiblər.

Kopello 16,52 m göstərici ilə 7-ci yeri tutub. 15,87 m məsafəyə tullanan Babayev isə sonuncu yerdə qərarlaşıb. 1-ci pilləni isə 17,31 m göstərici ilə burkina-fasolu Huqo Fabris Zanqo tutub.

Buna baxmayaraq, dünya turunun ümumi sıralamasında 2 mərhələyə qatılan Nazim 7,00 xalla 3-cü pillədədir. Zanqo 20 xalla yarışın lideridir. Kopello isə aktivinə xal yaza bilməyib.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"