Yaponiyanın paytaxtı Tokioda koronavirus pandemiyası ilə bağlı fövqəladə vəziyyət elan olunsa da, Yay Olimpiya Oyunları keçiriləcək.

Apasport.az saytının məlumatına görə, bunu Beynəlxalq Olimpiya Komitəsinin (BOK) iclasında Oyunların Koordinasiya Komissiyasının rəhbəri Con Kouts açıqlayıb.

O, yarışların ləğv edilməyəcəyini bildirib: “Oyunlar keçiriləcək. Hətta Tokiodakı turnir vaxtı fövqəladə vəziyyət olsa belə. İndi Yaponiyada fövqəladə vəziyyət olmasına baxmayaraq, 5 idman növü üzrə test yarışları uğurla keçirilib. Şübhə yoxdur ki, Oyunlar bu vəziyyətdə də keçiriləcək”.

Kouts yarış zamanı olacaq test proseduruna da aydınlıq gətirib: “Biz iştirakçıların vaksinasiya olunmasını alqışlayırıq. Amma buna tamamilə güvənmirik. Atletin və ya digər iştirakçının vaksinasiya edilib-edilməməsindən asılı olmayaraq, testlər daim aparılacaq. Daimi testlər – biz buna güvənirik”.

Qeyd edək ki, Olimpiada iyulun 23-dən avqustun 8-dək keçiriləcək.
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO