Su idman növləri üzrə Avropa çempionatı davam edir.

Apasport.az saytının məlumatına görə, Macarıstanın paytaxtı Budapeştdə təşkil olunan yarışda Azərbaycan yığmasının daha iki üzvü mübarizəyə başlayıb.

Təmsilçilərimiz kişilərin batterflyay üsulu ilə 200 metr məsafəyə üzmə yarışında start xəttinə çıxıblar. Tokio-2020 Yay Olimpiya Oyunlarına lisenziya qazanan Maksim Şemberevlə Ramin Vəlizadə təsnifat mərhələsində müxtəlif qruplarda yer alıb.

2-ci “onluq”da çıxış edən Maksim 8-ci yerlə kifayətlənib. O, finişə 1 dəqiqə 59,76 saniyəyə çatıb.

Sonuncu qrupda yarışan Ramil isə elə son sıranı tutub. 10-cu olan üzgüçümüz məsafəni 2 dəqiqə 4,80 saniyəyə qət edib.

Yekun nəticədə Maksim 36 iştirakçı arasında 28-ci olubsa, Ramil 33-cü sırada qərarlaşıb. Hər iki təmsilçimiz yarımfinala vəsiqə qazana bilməyib.
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO