“Turan Tovuz” yeni baş məşqçisi Ayxan Abbasovla müqaviləni rəsmiləşdirib. 

Apasport.az klubun feysbuk səhifəsinə istinadən məlumat verir ki, gənc çalışdırıcı azarkeşlərin alqış sədaları altında tədbirə dəvət olunub. 

Bağlanmış 2+1 illik müqaviləyə imza atdıqdan sonra Ayxan Abbasov azarkeşləri salamlayıb və görüləcək işlər barəsində hesabat təqdim edib. Sonda azarkeşlərin suallarını cavablandıran gənc mütəxəssis fanatlarla xatirə şəkli çəkdirib.