“Yeni futbolçuların transferi ilə bağlı uzun müddətdir danışıqlar gedir”.

Apasport.az saytının məlumatına görə, bunu “Neftçi”nin idman direktoru Zaur Əzizov deyib.

Klub rəsmisi yeni baş məşqçi Laurentsiu Regekampfın təqdimat mərasimində çıxış edərək, yeni transferlər olacağını söyləyib: “Baş məşqçi ilə bir neçə gündür transfer mövzusunda müzakirə aparırıq. Bəzi oyunçularla artıq ilkin razılaşmalar var. Yeni oyunçuların uğurlu olması üçün əlimizdən gələni edirik. İnanırıq ki, onlar komandamıza kifayət qədər kömək edəcəklər”.

Qeyd edək ki, "Neftçi" Laurentsiu Regekampfla 2 illik müqavilə imzalayıb.