“Qarabağ” futbolçusu Xayme Romero ilə vidalaşıb.

Apasport.az saytının məlumatına görə, onunla mövsümün sonunda başa çatan müqavilənin müddətini uzadılmayıb.

Zədə səbəbindən 2021/22 mövsümünü boşa verən 32 yaşlı ispaniyalı yarımmüdafiəçi cəmi 3 qarşılaşmada şans qazanıb. Ümumilikdə isə Romero Premyer Liqada 36 matçda 7 qol vurub.

Qeyd edək ki, 2019-cu ilin yayından “Qarabağ”da çıxış edən legioner Premyer Liqada 2 qızıl, 1 gümüş medal qazanıb.