Qazaxıstan - Azərbaycan oyununun hakimləri açıqlanıb.

Apasport.az saytının məlumatına görə, Millətlər Liqasının qrup mərhələsi çərçivəsində keçiriləcək matçı Macarıstandan olan ədalət təmsilçiləri idarə edəcək.

İyunun 3-də keçiriləcək qarşılaşmanın baş hakimi İstvan Vad olacaq. Baş hakimin köməkçiləri kimi Vencel Tot və İstvan Albert təyinat alıb. Dördüncü hakim funksiyasını Ferens Karako yerinə yetirəcək.

Qeyd edək ki, Astana Arenada baş tutacaq qarşılaşma saat 18:00-da başlayacaq.