Mərakeşdə boks üzrə Qızıl kəmər seriyası çərçivəsində turniri davam edir. 

Boks Federasiyasından apasport.az saytına verilən məlumata görə, yarışın ikinci günündə Azərbaycan yığmasının daha 2 idmançısı mübarizəyə qoşulub.

Avropa Oyunlarının mükafatçısı Tayfur Əliyev (60 kq) 1/8 final çərçivəsində Kərim Abdulla (Mali) ilə qarşılaşıb. Görüş boksçumuzun qələbəsi ilə yekunlaşıb – 5:0 (30:25, 29:27, 29:27, 29:27, 29:27). Əliyev yarımfinala gedən yolda rusiyalı Vsevolod Şumkovla döyüşəcək. 

Tayfurun uğurunu qardaşı Sərxan Əliyev də təkrarlayıb. 71 kq çəkidə qüvvəsini sınayan dünya çempionatının bürünc medalçısı ilk qarşılaşmasında Sarohatua Lumbantobinqlə (İndoneziya) münasibətinə aydınlıq gətirib. Rəqibini 4:1 (30:27, 29:28, 30:27, 28:29, 30:26) hesabı ilə məğlub edən Əliyev mərhələ adlayıb. Sərxan 1/4 finalda Alimami Kristian Tomasla (Sierra Leone) qüvvəsini sınayacaq. 

Qeyd edək ki, yarışın üçüncü günündə Murad Allahverdiyev (80 kq) İmam Xatayevlə (Rusiya), Mirşərif Kazımzadə (75 kq) David Mvenekabve (Konqo Demokratik Respublikası) ilə döyüşəcək. 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”